Bab. VI.3. Berita Mata Sopiak

Mata Sopiak anak Tuan Pagar Aji dari Tambunan adalah seorang Datu Bolon yang memiliki roman muka yang menyeramkan . Matanya hanya satu terdapat di dahi , besarnya seperti palu – palu ni agong di sertai alis mata yang lebat. Berita yang turun – temurun tentang mata Sopiak adalah sebagai berikut :

Dung doli – doli pamatang ni mata Sopiak , laho ma ibana mardalani tu luat Pangaribuan sahat tu bona ni dolok Saut. Ala ni  lo jana mauas ma ibana . dilului ma pansur paridian laho pasombu uas. Di tingki sahat Mata Sopiak tu sada pansur paridian l, pajump-ang maibana dohot boru ni raja luat I na margot Sialang di robean ,na tau pangalu – aluan na olo pangunalaen. Dibereng Sialang dirobean ma bohi ni Mata Sopiak, Dung sahat tu jabu manompas ma boru ni raja i, di papeakpamatangna ndang haru tu talaga ndang haru tu halangulu. Dung diida amana borruna I songon I sungkun – sungkun ma rohana laos didok:”Madekdekhias – hias inang sian tangan ni pambau , manimbas nimbas boru ni raja , begu aha ulaning naso mar4labu ?”Dialusi borona I ma : “mangangkat ma bingkorung amang tu tali ni hu dali , tundal pinarhatutu nidok ni siniar ni aji :mabiar ahu nangkining umbahen ro maringkati , so dung huida songon I anggo di bongka siapari, “ninna boruna i. ro mamuse amana manangkasi :” Ba aha ma I huroda borrungku ?” ninna .didok boruna i9 ma , adong huida sada jolma rat u pansur paridian asing tompa ni bohina , sadado matana di pardompahanna , balgana nasa palu – palu ni ogtung , jala sumalin pot – pot ni imbuluna .

umbege hata ni boruna I longang ma raja I, disuru ma naposona mamareng tu pansur paridian hape di harbangan  ni huta I do pe, nunga pajumpang nasida dohot Mata Sopiak. Di bereng naposo ni raja I ma bohi ni Mata Sopiak , logam –logaman ma ala ni biarna , laos didok : “dilului raja I hamu amang ,” ninna mardongan biar. Dialusi Mata Sopiak ma :”Beta ma , ahu pe naeng mandongan biar .di alusi Mata Sopiak ma:” Beta ma ahu pe naeng mandapothon raja i do ,”ninna. Dung pajumpang dohot raja I, disungkun ma Mata Sopiak :” Isedo hamu jala sian dia hamu llae, “ ninna raja i.Songo na longang Mata Sopiak mambege hata ni raja I , songon na longang  Mata Sopiak mambage hata ni raja I, so pola martutur pintor didok lae. Ala hurang suman di hilala rohana , dialusi ma:”Anggo goarhu huboan – boan do,hutangku pe dao do lae ,” ninna huhut songon na di pabollang simalolongna. Marnida ma raja I, laos didok ma:”Tu jabu ma hita asa jumolo mangan nunga loja hamu hubereng ,”ninna songo na pasangaphon . di suru ma patupaon ni naposona sipangannon . disseat ma sada pinahan lobu , sada biang , sada huting dohot sada manuk .dung masak di paarade ma tu jolo ni Mata Sopiak alai jumolo diisi do dohot rasun tu bagasan lompana I . dung I didok raja I ma : “Nunga rade sipanghanon lae mangn ma hita ” ninna songon na pajagarhon.

Andorang so mangan dope didok nata Sopiak ma :”Ai juhut aha do lompanta on, somgon na godang hida massamna, “ ninna huhut songon na dipaserbeng matana tu rja i. dung I didok raj I ma :” Sillang na tupa ma lee, angka naposo I patupa hon sian huboto manang na juhut aha I,” ninna.

Dung I dibuat Mata Sopiak ma pitu lili tunggal sian hajutna laos diboshikhon pitu hali tu lompan naung rade dijolona. Di dokma:” ia biang do ho mrauang ma, molo babi do marngiak – ngiak ma ho, ia huting do marngeong ma ho, molo manuk do marandepande ma ho !” ninna huhut dipabollang matana. Pintor mangangkat be ma na ginoaranna I sian parlompannan I, jala mangkuling songon pinangido ni mata Sopiak. Dung I didok mata Sopiak ma :” Rupa ni naso Sipanganon do pinatupa ni nasopo I, ai mengangkat do sude sian piring, denggan ma seat hamu sada pinahan lobu asa rap mangan hita,” ninna songon na paposhon roha ni raja i.

Marnida na masa i mabiar situtu ma raja i, disuru ma patupahon songo pangidoan ni mata sopiak. Dung simpul mangan nasida disuru raja i ma naposona patupa podoman ni mata sopiak diatas sopo ala mabiar do raja i rap modom di jabu. Ala ni lojana tung rengee do mata sopiak na modom i, ndang di boto na Masa borngin i. hape di tonga borngin i, na bungkas do raja i dohot pangisi ni huta i tu luat na asing. Dung dungo mata Sopiak monogot i, tarsonggot ma ibana marnida naung bungkas pangisi ni huta i. laho ma ibana tu balian ni huta patangkashon, hape naung sude do pangisi ni luat i bungkas ala sar barita naung ro datu bolon margoar “ Dao lae “ tompa ni bohina sihabiaran, hadatuon na ndang tarimbangan. Dung ilaho ma mata Sopiak mardalani tu robean ni dolok na jonok tu huta i. Pajumpang ma ibana disi do hot sada ina-ina na mabalu dohot sada baruna na marbaju. Di sungkun Mata sopiak ma manang tu dia laho maporus pangisi ni luat i. Alai dialusi ina-ina na mabalu i ma :” I ale amang, sian dia ma botoonnami, ai na mabalu do ahu,” umbahen marborngin-borngin hami dohot borungku dirobean on,”ninna huhut dipasingkop pardalananna naeng moporus marlojongi ala ni biarna. Alai pintor ditangkup Mata Sopiak ma boruna na marbaju i huhut didok: “Dope ni dopi na arsam na tata, ahu ma dihalangulu, ho ma dinggan talaga, asa denggan ma roha ni inang pangintubu, hita ma mardongan sajabu, nanna huhut mangelak boru-boru ma :”Hodong da pahu tubu di liang-liang, molo holo roham diahu, naso jadi be sirang,” ninna mambahen parpadanan. Dioboan Mata Sopiak ma boru-boru i dohot innana tu huta, jadi saut ma nasida mardongan saripe.

Marpinompari ma Mata sopiak diluat i sahat tu Angkola, pinomparna ma marga Daulay na sahat tu padangbolak Gunung Tua.

Download cerita lengkap Tumaras Bab VI.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: